Litt småting

Det som er kjekt med origamisk arkitektur (OA) er at du kan lage ting som ser veldig avansert ut med kun ein tapetkniv og eit ark. Det enklaste er å teikne mønsteret på ruteark først, og så skjære gjennom mønsteret på det papiret du vil bruke etterpå.

Mønster til kortet nedanfor.

Kortet til mønsteret ovanfor

Når du har skore ut mønsteret og bretta det ut kan du lime på eit anna ark på baksida og du har eit såkalla pop-up-kort :)
Her er eit par kort eg har laga dei siste dagane.

 Dei fleste er berre litt tilfeldig leiking med mønster, men traktoren er på bestilling frå Kyrre, sidan han er heilt freeeelst for Moods of Norway!

Velkomen!

Eg tenkte eg kunne laga ein blogg. Her kjem eg til å legge ut diverse ting eg lagar, i hovudsak av papir, men ikkje dett av stolen dersom det kjem andre ting. Å brette ting av papir vert kalla origami, og for dei som ikkje har høyrd om dette før så kan dei lese det eg har henta frå wikipedia:

Origami (折紙 origami - papirbretting) er ein japansk kunstform som går ut på å brette papir. Ordet origami tyder å brette papir, og på japansk kan origami brukast om all papirbretting, uansett kor han kjem frå.

I origami nyttar ein berre somme brettar, men dei kan kombinerast på mange måter. Det er vanleg å bruke eit kvadratisk ark, ofte med fargar eller mønstre, og ein klipper ikkje i arket. I motsetning til det mange trur, tillet tradisjonell japansk origami, som har vore praktisert sidan Edoperioden(1603-1867), ofte klipping, og ein kan også bruke eit rektangulært eller sirkulært ark i denne typen origami.

Den mest kjende origamifiguren er nok tranen. Sagnet seier
at om du brettar 1000 tranar kan du ynskje deg kva som helst.

Det finst mange ulike formar for origami, blant anna modulær origami og origamisk arkitektur. Førstnemde går ut på å setje saman mange like modular slik at du får ein stor figur. Origamisk arkitektur skil seg litt frå "vanleg" origami, då du her kuttar og brettar ut papiret for å få tredimensjonale figurar.

Døme på origamisk arkitektur og modulær origami. Terningen er sett saman av 6 modular.

Dette var ein liten introduksjon til bloggen min, og eg vonar dette er interessant for andre enn meg :)